நட்சத்திரங்கள்

வ.எண் நட்சத்திரங்கள் நட்சத்திர தெய்வங்கள் அதிபதிகள் அ.தெய்வங்கள் தசா வருடம்
1 அசுவனி ஸ்ரீ சரஸ்வதி தேவி கேது வினாயகர் 7
2 பரணி ஸ்ரீ துர்கா தேவி (அஸ்ட புஜம்) சுக்கிரன் மகாலக்ஷ்மி 20
3 கார்த்திகை ஸ்ரீ சரஹணபவன் (முருகப் பெருமான்) சூரியன் சிவன் 6
4 ரோகினி ஸ்ரீ கிருஷ்ணன். (விஷ்ணு பெருமான்) சந்திரன் சக்தி 10
5 மிருகசீரிஷம் ஸ்ரீ சந்திர சூடேஸ்வர் (சிவ பெருமான்) செவ்வாய் முருகன் 7
6 திருவாதிரை ஸ்ரீ சிவபெருமான் ராகு காளி, துரக்கை 18
7 புனர்பூசம் ஸ்ரீ ராமர் (விஸ்ணு பெருமான்) குரு தட்சிணாமூர்த்தி 16
8 பூசம் ஸ்ரீ தட்சிணாமூர்த்தி ( சிவபெருமான்) சனி சாஸ்தா 19
9 ஆயில்யம் ஸ்ரீ ஆதிசேசன் (நாகம்மாள்) புதன் விஷ்ணு 17
10 மகம் ஸ்ரீ சூரிய பகவான் (சூரிய நாராயணர்) கேது வினாயகர் 7
11 பூரம் ஸ்ரீ ஆண்டாள் தேவி சுக்கிரன் மகாலக்ஷ்மி 20
12 உத்திரம் ஸ்ரீ மகாலக்மி தேவி சூரியன் சிவன் 6
13 அஸ்த்தம் ஸ்ரீ காயத்திரி தேவி சந்திரன் சக்தி 10
14 சித்திரை ஸ்ரீ சக்கரத்தாழ்வார் செவ்வாய் முருகன் 7
15 சுவாதி ஸ்ரீ நரசிம்மமூர்த்தி ராகு காளி, துரக்கை 18
16 விசாகம் ஸ்ரீ முருகப் பெருமான். குரு தட்சிணாமூர்த்தி 16
17 அனுஷம் ஸ்ரீ லக்மி நாரயணர். சனி சாஸ்தா 19
18 கேட்டை ஸ்ரீ வராஹ பெருமாள் (ஹயக்கிரீவர்) புதன் விஷ்ணு 17
19 மூலம் ஸ்ரீ ஆஞ்சனேயர் கேது வினாயகர் 7
20 பூராடம் ஸ்ரீ ஜம்புகேஸ்வரர் (சிவபெருமான்) சுக்கிரன் மகாலக்ஷ்மி 20
21 உத்திராடம் ஸ்ரீ வினாயகப் பெருமான். சூரியன் சிவன் 6
22 திருவோணம் ஸ்ரீ ஹயக்கிரீவர் (விஷ்ணுப் பெருமான்) சந்திரன் சக்தி 10
23 அவிட்டம் ஸ்ரீ அனந்த சயனப் பெருமாள் ( விஷ்ணுப் பெருமான்) செவ்வாய் முருகன் 7
24 சதயம் ஸ்ரீ மிருத்யுஞ்ஜேஸ்வரர் (சிவபெருமான்) ராகு காளி, துரக்கை 18
25 பூரட்டாதி ஸ்ரீ ஏகபாதர் (சிவபெருமான்) குரு தட்சிணாமூர்த்தி 16
26 உத்திரட்டாதி ஸ்ரீ மகா ஈஸ்வரர் (சிவபெருமான்) சனி சாஸ்தா 19
27 ரேவதி ஸ்ரீ அரங்கநாதன் புதன் விஷ்ணு 17

மேலே குறிப்பிட்டள்ளது ஒவ்வொரு நட்சத்திரகாரர்களிற்கும் அதிஸ்டம் தரக் கூடிய தெய்வங்கள் ஆகும். மேலே தரப்பட்டுள்ள தெய்வங்களின் காயத்திரி மந்திரம், அஸ்டோத்திரம் ஜெபம், அவர்களின் திருக்கோவில் வழிபாடு, அவர்களின் உருவத் தியானம் ஆகியன செய்து வழிபடலாம். இருப்பினும் குல தெய்வ வழிபாடு மிக முக்கியமான வழிபாடாகும். குல தெய்வ வழிபாடிருந்தால் மட்டுமே மற்ற எந்த வழிபாடாயினும் சிறப்பைத் தரும். இதனைத் தவிர அவர்அவர்கள் பிறந்த நட்சத்திரத்திற்குரிய கிரகமெதுவோ அந்த கிரகத்திற்குரிய அதிதேவதையான தெய்வத்தினையும் வழிபட்டு வாழ்வில் சங்கடங்கள் நீங்கி மகிழ்ச்சியாக வாழலாம். இனி பொது பலன்களை பார்க்கலாம்...


 

அசுவினி

அசுவினி நட்சத்திரத்தில் பிறந்தவர்கள் மற்றவர்களால் மதிக்கப்பட வேண்டும் என்ற எண்ணத்துடன் கூடியவராய் இருக்கும் நீங்கள் அழகாக பேசுவீர்கள். சில சமயங்களில் உங்களுடைய சாதுர்யமான பேச்சினால் மற்றவர்களிடம் உங்களுக்கான மதிப்பை பெற்றிடுவீர்கள். பொருள் சேமிப்பை விரும்புவீர்கள். எதிர்காலத்திற்கான திட்டங்களில் தெளிவாக வரையறுத்துக் கொண்டிருப்பீர்கள். உங்களின் முயற்சி வெற்றியடைய கடுமையான உழைப்பை வெளிப்படுத்த தயங்க மாட்டீர்கள். உங்களிடம் ஒப்படைக்கப்படும் செயல்களை முழுமூச்சுடன் செயல்பட்டு செய்து முடிப்பீர்கள்.

செல்வந்தராகவும், புத்தி சாதுர்யம் கொண்டவர்களாகவும் இருப்பர். விவாதம் செய்வதிலும், ஆடம்பரத்திலும் நாட்டம் இருக்கும். மற்றவர்களை நன்கு புரிந்து கொண்டு அன்புடன் பழகுவர். ஆசிரியரைப் போல நல்ல விஷயங்களைப் பிறருக்குப் போதிப்பர். தெய்வீக வழிபாடு, புராண, ஜோதிட சாஸ்திரங்களில் ஈடுபாட்டுடன் விளங்குவர். தைரியம் உடையவர், செய் தொழிலைத் தவறு இல்லாமல் செய்பவர், பெண்கள் விரும்பத்தக்கவர். தருமம் செய்யும் பண்புடையவர், பொய் பேச மாட்டார். ஆடை அணிகலனில் விருப்பம் உடையவர். சிறு கோபத்தை உடையவர். மிகுந்த புகழை உடையவர். கெட்டிக்காரர். சிவந்த கண்களையும், அகன்ற மார்பையும் உடையவர். தூய்மையானவர். உயர்ந்த நெற்றி உடையவர். சாத்வீக குணத்தை உடையவர்.

1. அசுவினி முதல் பாதத்தில் பிறந்தவர்கள் கோள் சொல்வோன், மனசஞ்சலம் உடையவர், பாவி, அழகற்றவர், அந்தியரிடம் அன்பு காட்டுபவனாக இருப்பார்.

2. அசுவினி இரண்டாம் பாதத்தில் பிறந்தவர்கள் பிறரின் மனோ பாவங்களை அறிபவர், அழகுள்ளவர், நன்மை செய்பவர், சாத்திரம் உணர்பவர், ஞானி போன்ற பண்புகளை உடையவனாக இருப்பார்.

3. அசுவினி மூன்றாம் பாதத்தில் பிறந்தவர்கள் கணிதக் கலையில் விருப்பம் உள்ளவர். நல்ல புத்திமதி நுட்பம் உடையவர், மூலவியாதி உடையவர், நல்ல செயல்களையே நினைப்பவனாக இருப்பார்.

4. அசுவினி நான்காம் பாதத்தில் பிறந்தவர்கள் உடம்பு சிறிது கூனி இருக்கும். மிகுந்த அறிவுள்ளவர், ஜோதிடம் அறிந்தவர், இந்திரன் போன்றவர், காமகுணம் உள்ளவர், சத்திரியர் போன்ற பண்புகளை உடையவர்.


பரணி

பரணி நட்சத்திர பிறந்தவர்கள் அனைத்து முழுமையாகப் முடிக்கப்பட வேண்டும் என்ற எண்ணத்தை வலுவாக கொண்டவராய் இருப்பீர்கள். உங்களிடம் ஒப்படைக்கப்படும் எந்த காரியமும் முழுமையாக செய்துவிடுவீர்கள். உடல் ஆரோக்கியத்தை மிகவும் ஆர்வமாக பேணிக்காப்பீர்கள். எந்த சூழ்நிலையையும் சமாளிக்கக்கூடிய மனநிலையை வளர்த்துக் கொள்ள விரும்புவீர்கள். மற்றவர்களிடம் உண்மையான உழைப்பையும் நேர்மையான செயல்களையும் எதிர்ப்பார்ப்பீர்கள். உங்களது நேர்மையான செயல்பாடுகளால் மற்றவர்களிடம் உங்களுக்கான மதிப்பை அதிகரித்து கொள்வீர்கள்.

நன்றி உணர்வு கொண்டவர்களாகவும், எதிரிகளைச் சுலபத்தில் வெற்றி கொள்ளும் திறமை கொண்டவர்களாகவும் இருப்பர். தானதர்மங்களைச் செய்யும் இயல்பால் மற்றவர்கள் இவரைப் பாராட்டுவர். அதிர்ஷ்ட தேவதையின் அருளால் தொட்டவையாவும் துலங்கும். தன்னுடைய தேவைகளைத் தானே சாதித்துக் கொள்ளும் சாமர்த்தியம் பெற்றிருப்பர்.

பெற்றோருக்கு இனியவர், ஞானி, சிறு நித்திரை உடையவர். சிறு கோபி, தரும சிந்தனை உடையவர். செல்வம் உடையவர், புகழ், திடமான வாக்கு உடையவர், தாம்பூலத்தில் விருப்பம் உடையவர், உடலின் இடப்பாகத்தில் மரு உள்ளவர், சாமர்த்தியம் உடையவர், பெண்களில் சொற்களில் பிரியம் உடையவர், சிறிய மோவாய்க் கட்டையை உடையவர்.

1. பரணி முதல் பாதத்தில் பிறந்தவர் சிவப்பு நிறம் உள்ளவர். வீரன், பலசாலி, நீதிமான், பகைவரை வெல்லுபவர், சிவந்த உரோமம் உடையவனாகவும் இருப்பார்.

2. பரணி இரண்டாம்பாகத்தில் பிறந்தவர் ஞானி, நிபுணன், சோம்பல் உடையவர், தருவார், சாஸ்திரம் சொல்பவனாகவும் இருப்பார்.

3. பரணி மூன்றாம் பாதத்தில் பிறந்தவர் கோபம் உடையவர், உருளும் கண்களை உடையவர், நல்ல உயரமானவர்.

4. பரணி நாலாம் பாதத்தில் பிறந்தவர் உடல் பருமனானவர், கோபம் உடையவர், அரசு அரசியல் பணி செய்பவர், துர்க்குணம் உள்ளவனாகவும் இருப்பார்


கிருத்திகை

கிருத்திகை நட்சத்திரத்தில் பிறந்தவர்கள் ஆள்பாதி ஆடைபாதி என்பதற்கு முழுஉதாரணமாய் உங்களது உடைகளையும் ஆபரணங்களையும் பேணிக்காப்பீர்கள். மற்றவர்களை கவரும் விதமாய் உங்களது செயல்பாடுகள் அமைத்துக் கொள்வீர்கள். மனதிற்கு பிடித்தமான உணவு வகைகளை ருசித்து சாப்பிடுவீர்கள். மற்றவர்களால் புகழப்படும் காரியங்களை செய்வதில் அதிக ஆர்வம் கொண்டிருப்பீர்கள். பிரயாணம் செய்வதிலும் அதிக நாட்டம் உடையவராய் இருப்பீர்கள்.

வருங்காலத்திற்கான சேமிப்பை மேற்கொள்வதில் அனைத்து வழிகளையும் பின்பற்றுவீர்கள். ரசவர்க்கங்களில் விருப்பம் உடையவர், அற்ப நித்திரை உடையவர், சொல் சாதுரியம் உடையவர், பொய் பேசியாவது பொருள் சம்பாதிக்கும் திறமை உடையவர், அறிவாளி, அரசர்கள் விருப்பத்திற்கு உரியவர், பரிசு பெறுபவர், பலவான், வஞ்சக மனம் உடையவர், மார்பில் மரு உடையவர், வழக்குத் தொடுக்கும் துணிந்த மனம் உடையவர்.

செல்வந்தராகவும், திறமை மிக்கவராகவும் இருப்பர். ஆசார அனுஷ்டானங்களில் பிடிப்புடன் திகழ்வர். கலைகளை ஆர்வமுடன் கற்கும் சுபாவமிருக்கும். மனதில் மென்மை குடி கொண்டிருக்கும். பெண்களிடம் நட்புடன் பழகும் இயல்பைப் பெற்றிருப்பர். கல்வியில் ஆர்வம் இல்லாவிட்டாலும் வாழ்க்கைக்குத் தேவையான தகுதிகள் யாவும் இவர்களிடம் இருக்கும்.

1. கிருத்திகை முதல் பாதத்தில் பிறந்தவர் , ஆசாரமுள்ளவர், வித்துவான், பிரபு இலாப சேகரர், சூரன், பசுப்பீரிதி உள்ளவர், புத்திமான் ரோகமுள்ளவர்.

2. கிருத்திகை இரண்டாம் பாதத்தில் பிறந்தவர் , ஆசாரமற்றவன், கோபி, வெற்றியுடையவர்களை சினேகமாகக் கொண்டவர், சாஸ்திரங்களை விரும்பாதவர்.

3. கிருத்திகை மூன்றாம் பாதத்தில் பிறந்தவர், துஷ்டபெண்களைச் சேருபவர், புத்தியற்றவர், மிகுந்த சூரன், கோபி, தீமைகளையே பிரதானமாக செய்பவர்.

4. கிருத்திகை நான்காம் பாதத்தில் பிறந்தவர் தரித்திரன், சாஸ்திரம் கற்காதவர், மனஸ்தாபம் உடையவர், பொறுமையற்றவர், துக்கம் உடையவர், ரோகம் உடையவர்


ரோகிணி

ரோகிணி நட்சத்திரத்தில் பிறந்தவர்கள் அனைத்து வகையான புத்தகங்களை படிப்பதிலும் ஆர்வத்துடன் இருப்பீர்கள். சுத்தத்திற்கு முதலிடம் கொடுப்பீர்கள். எந்த நேரத்திலும் சுத்தமாக இருக்க வேண்டும் என்ற எதிர்பார்ப்புடன் உங்களது செயல்களை அமைத்துக் கொள்வீர்கள். மற்றவர்களிடம் நயமான முறையில் பேசி சிக்கலான சமயங்களிலும் திறமையாக சமாளித்து விடுவீர்கள். அனைத்து காரியங்களிலும் திட்டமிட்டே செயல்படுத்துவீர்கள். உங்களது அனைத்து செயல்களும் எதிர்காலத்தை முக்கிய குறிக்கோளுடன் கொண்டதாக இருக்கும்.

திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள். தண்ணீர் அதிகம் குடிப்பதில் விருப்பம் உடையவர், சொன்ன சொல் கேட்பவர். பண்டிதனும் அரசனும் ஆவார். அன்னதானம் செய்பவர், இரும்பு வியாபாரி,நெய், பால் இவற்றில் விருப்பம் உடையவர். இரண்டு கண்களும் பருத்து நெற்றி சுருங்கி இருப்பவர், வஞ்சகம் பேசாதவர், வலுத்த உள்ளங்கால் உடையவர், திடமான நடையுடையவர். கற்றறிந்தவர்களுடன் நட்பை விரும்புபவராகத் திகழ்வர். பார்ப்பதற்கு கம்பீரமான தோற்றம் கொண்ட இவர்கள் ஊர் சுற்றும் இயல்பைப் பெற்றிருப்பர். ஆசார அனுஷ்டானங்களில் மிகுந்த நம்பிக்கை உண்டு. இசை, நாட்டியம் போன்ற கலைகளில் ஈடுபாடு இருக்கும். மக்கள் செல்வாக்கு சிறப்பாக இருக்கும். மூலவரான கிருஷ்ணர் பத்ர விமானத்தின் கீழ் அருள்பாலிக்கிறார்.

1. ரோகிணி முதல் பாதத்தில் பிறந்தவர் பொருள் உள்ளவர், அழகுள்ளவர், அலைச்சல்படுவோன், கருமி, அந்நியருக்குத்துன்பம் தருபவர், பொறுமையற்றவர், வர்மி, ரோசம் உடையவர், ரோகம் உடையவர்.

2. ரோகிணி இரண்டாம் பாதத்தில் பிறந்தவர் கருணை உடையவர். சாந்த குணம் உடையவர். ரோகி, ஆசாரம் உள்ளவர், உண்மை பேசுவார், விரும்பிய பெண்ணை மணப்பான், வாய் சாதுர்யம் உள்ளவர், ஆசை உள்ளவர்.

3. ரோகிணி மூன்றாம் பாதத்தில் பிறந்தவர் கணித வித்தையில் வல்லவர், சங்கீத ஞானம் உடையவர், மந்திரங்கள் அறிந்தவர், சுகவான், பஞ்ச காவியங்கள் அறியாதவர்.

4. ரோகிணி நான்காம் பாதத்தில் பிறந்தவர் உண்மை பேசுபவர், அந்நியரின் சொத்தை விரும்புபவர், பெண் போகத்தில் விருப்பம் உடையவர்.


மிருகசீரிடம்

மிருகசீரிடம் நட்சத்திரத்திலும் பிறந்தவர்கள் நல்ல அறிவுபூர்வமான பேச்சுத்திறமையை உடையவராய் இருப்பீர்கள். எந்த நேரத்திலும் சுறுசுறுப்பான மனநிலையைக் கொண்டிருப்பீர்கள். சேமிப்பில் ஆர்வம் கொண்டிருப்பீர்கள். திறமையான பேச்சால் சிறந்த நிர்வாகத்திறமை கொண்டவராய் விளங்குவீர்கள். திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள். காலையில் நீராடுவதில் விருப்பம் உடையவர். பரந்த கண்களையுடையவர். மயிரில் அழகுடையவர், கல்வியில் சிறந்தவர், திடமான தேகம் உடையவர், உள்மனதில் உள்ள கருத்தை வெளியிட விரும்பாதவர், பாட்டிலும் கூத்திலும் விருப்பமுடையவர். தாம்பூலப்பிரியர், நினைத்த காரியத்தை முடிப்பதில் வல்லவர், உயர்ந்த நெற்றியை உடையவர் ஞானி. விசாலமான புத்தியும், கூர்மையான அறிவும், திறமையும் பெற்றிருப்பர். செல்வம் சேர்ப்பதில் ஆர்வம் இருக்கும். மனதில் தைரியம் குடி கொண்டிருக்கும். சிலருக்கு முன்கோபம் அதிகமாக இருக்கும். தானதர்மம் செய்வதில் ஆர்வம் காட்டுவர். பிறரின் மனதைப் புரிந்து கொண்டு அதற்கேற்ப நடக்கும் இயல்பைப் பெற்றிருப்பர்

1. மிருகசீரிஷம் முதல் பாதத்தில் பிறந்தவர் செல்வம் உடையவர். பகைவரை வெற்றி கொள்பவர், பருமனான சரீரம் உடையவர். கோபம் உடையவர். ஆசாரம் இல்லாதவர், இராட்சசத் தன்மை உடையவர்.

2. மிருகசீரிஷம் இரண்டாம் பாதத்தில் பிறந்தவர் வழக்குரைப் பவர், உபதேசம் செய்பவர், சாது மனத்திற்கு உகந்தவர், உண்மை பேசுபவர், பெண் போகத்தில் விருப்பம் உடையவர்.

3. மிருகசீரிஷம் மூன்றாம் பாதத்தில் பிறந்தவர் உயர்ந்த குணம் உடையவர். உத்தமன், சாது, சந்தோஷம் உடையவர், ஆசாரம் உடையவர், புத்திமார், சீமார்.

4. மிருகசீரிஷம் நான்காம் பாதத்தில் பிறந்தவர் புத்திமார், மெய்யே உரைப்பவர், சாது, தருமம், செய்பவன், காமம், கோபம், வஞ்சகம் உடையவர்.


திருவாதிரை

திருவாதிரை நட்சத்திரத்தில் பிறந்தவர்கள் பலன் எதிர்பாராமல் மற்றவர்களுக்கு உதவி செய்யும் போது அதை துணிந்து திருத்தவும் முயற்சி செய்வீர்கள். சுறுசுறுப்பான மனநிலையைக் கொண்டிருப்பீர்கள். சரியான நேரத்திற்கு உணவருந்த மாட்டீர்கள். சேமிப்பில் ஆர்வம் கொண்டு செயல்படுவீர்கள். சுத்தமான ஆடை அணிவது உங்களுக்கு மிகவும் பிடித்தமான விஷயமாக இருக்கும். பொய்யுரை சொல்வோன், கீர்த்தி உடையவன். தரித்திரன், நீண்ட வடிவமுடையவன், கணுக்காலில் வியாதியுடையவன், கொடிய சண்டை செய்பவன், தலைமயிர் அழகுடையவன். இருகண்களும் சிவந்து இருக்கப் பெற்றவன். தேக பலமுடையவன், கோபி, பந்துக்களுடையவன், உயர்ந்த மூக்குள்ளவன். மற்றவர்களிடம் எளிதில் பழகி தங்களின் நண்பராக்கும் திறமை உடையவர்கள். சாமர்த்தியமாக சம்பாதிக்கும் குணம் கொண்ட இவர்கள், அதை திட்டமிட்டு முறையாகச் செலவழிக்கவும் செய்வர். வாதம் செய்வதில் வல்லவர்களாக இருப்பர். கலைகளில் மிகுந்த ஈடுபாடு காட்டுவர். சுபவிஷயங்களை முன்னின்று நடத்துவர்.

1. திருவாதிரை முதல் பாதத்தில பிறந்தவர் இனிய வசனங்களைப் பேசுபவர், நல்லகுணம் உள்ளவர். மகாத்துமா, பெண்களுக்கு இனியவர்.

2. திருவாதிரை இரண்டாம் பாதத்தில் பிறந்தவர் , பேசுவதில் கெட்டிக்காரர், கருணை இல்லாதவர், தர்க்கம் புரிபவர், கல்வியில்லாதவர், தக்க பெண்களோடு போகம் கொள்பவர்.

3. திருவாதிரை மூன்றாம் பாதத்தில் பிறந்தவர் வாதரோகம் உள்ளவர், கோபம் உடையவர், கருணையற்றவர், கோள்சொல்பவர், பெண்களுக்கு போகத்தைத் தராதவர்.

4. திருவாதிரை நான்காம் பாதத்தில் பிறந்தவர் விவேகம் உடையவர். சுற்றத்தாருக்கு விரோதி. ஈனகுணம் உடையவர், அழகுள்ள உடல் உள்ளவர், கெட்டவர்


புனர்பூசம்

புனர்பூசம் நட்சத்திரத்தில் பிறந்தவர்கள் எப்போதும் சுறுசுறுப்பான மனநிலையைக் கொண்டவராய் இருப்பீர்கள். மற்றவர்களுக்கு பிரதிபலன் எதிர்பாராமல் உதவும் எண்ணம் கொண்டவர். உடல் ஆரோக்கியத்தை பேணுவதில் மிகுந்த கவனம் செலுத்துவீர்கள். மிகுந்த ஜாக்கிரதை உணர்வோடு செயல்படுவீர்கள். சிக்கனத்தில் அதிக நாட்டம் கொண்டிருப்பீர்கள். சொல் சாதுர்யர், அகங்காரம் உடையவர், பரந்த தோள்களை உடையவர். சிக்கன முடையவர். நீண்ட வழி நடப்பவர். கடுமையாகப் பேசுபவர், கள்ளன், மலர் போன்ற கையை உடையவர். அறிவாளி, பொய் பேச மாட்டார். பித்த தேகம் உடையவர். கல்வியில் ஊக்கம் கொண்டவர்கள், பேச்சுத் திறமை கொண்டவர்களாக இருப்பர். ஊர் சுற்றும் சுபாவமும் இயல்பும், ஆடம்பர குணமும் கொண்டிருப்பர். மனதில் உள்ளதை வெளிப்படையாகச் சொல்ல விரும்பமாட்டார்கள். பிறரை நன்கு அறிந்து கொள்ளும் ஆற்றல் இவர்களுக்கு இருக்கும். நன்றியுணர்வுடன் உதவி செய்தவர்களைப் போற்றும் குணம் இருக்கும்.

1. புனர்பூசம் முதல் பாதத்தில் பிறந்தவர்கள் பருமனான உடல் உள்ளவர். பிலுக்கன், போகி, செவிடன், காமி, பன்றி மயிர் போலும் உரோமம் உள்ளவர்.

2. புனர்பூசம் இரண்டாம் பாதத்தில் பிறந்தவர்கள் பித்தம் சேர்ந்த உஷ்ண தேகம் உடையவர், சோம்பேறி, ஆசாரம் இல்லாதவர், தூக்கம் உடையவர்.

3. புனர்பூசம் மூன்று பாதத்தில் பிறந்தவர்கள் குஷ்டரோகி, சாது, அலைச்சல் உள்ளவர், காவியம் அறியாதவர், பல் வியாதி உள்ளவர், நீண்ட ஆயுள் உள்ளவர்.

4. புனர்பூசம் நான்காம் பாதத்தில பிறந்தவர்கள் நல்ல செயல்கள் செய்பவர், குள்ளமாக இருப்பவர், நல்ல அழகுடையவர், பார்வை லட்சணம் அறிபவர்.


பூசம்

பூசம் நட்சத்திரத்தில் பிறந்தவர்கள் புத்தகங்களை படிப்பதில் மிகுந்த ஆர்வம் கொண்டிருப்பீர்கள். மற்றவர்களை கவரக்கூடிய குண நலன்களை கொண்டிருப்பீர்கள். உற்சாகமான மனநிலை கொண்டவராய் இருப்பீர்கள். குதிரை உடையவர். வழக்கு உரைக்கும். கள்ளன், ஏளனமாக பேசும் குணம் உடையவர். தாய் தந்தையரை இரட்சிப்பவன், கொடியன், ஒழுக்கம் உள்ளவர், தனவான், கண்களும் மூக்கும் அழகாக உள்ளவன், பசி பொறுக்கமாட்டார், வாசனைப் பொருட்களைத் தரிப்பதில் விருப்பம் உடையவர், நல்லவர், செல்வம் உடையவர். பெரியவர்களிடம் மரியாதையுடன் நடந்து கொள்வர். மனதில் தெய்வபக்தி மேலோங்கி இருக்கும். மென்மையுடன் மற்றவர்களிடம் பழகுவர். கவலைகளை மறந்து சிரிக்கும் பண்பைப் பெற்றிருப்பர். எடுத்த செயலை வெற்றியோடு முடிக்கும் வைராக்கியம் இருக்கும். நண்பர்கள் மத்தியில் புகழோடு வாழ்வர்.

1. பூசம் முதல் பாதத்தில் பிறந்தவர் வயிற்று நோய் உடையவர். நிஷ்டூரன், தருமவார், கோபமுடையவர், புத்திசாலி, தீர்க்க ஆயுள் உடையவர், கொடியவர்.

2. பூசம் இரண்டாம் பாதத்தில் பிறந்தவர் பிரபுவார், எக்காரியத்தையும் தடை செய்பவன், மக்களை வருத்துபவர், நிதானம், உள்ளவர், அன்னியரிடம் நட்பு உடையவர்.

3. பூசம் மூன்றாம் பாதத்தில் பிறந்தவர் சுற்றத்தாருக்கு இனியவர், புத்திசாலி, ஞானி, சந்தோஷம் உடையவர், பசுவிடம் விருப்பம் உடையவர், சுற்றத்தால் நல்ல காரியம் முடிப்பவர்.

4. புனர்பூசம் நான்காம் பாதத்தில் பிறந்தவர் சண்டைக்காரர், கோபம் உள்ளவர், பெண்களிடம் அன்பு உள்ளவர்.


ஆயில்யம்

ஆயில்யம் நட்சத்திரத்தில் பிறந்தவர்கள் மற்றவர்களால் மதிக்கப்பட வேண்டும் என்ற எண்ணத்துடன் கூடியவராய் இருக்கும் நீங்கள் அழகாக பேசுவீர்கள். சில சமயங்களில் உங்களுடைய சாதுர்யமான பேச்சினால் மற்றவர்களிடம் உங்களுக்கான மதிப்பை பெற்றிவிடுவீர்கள். பொருள் சேமிப்பை விரும்புவீர்கள். எதிர்காலத்திற்கான திட்டங்களில் தெளிவாக வரையறுத்துக் கொண்டிருப்பீர்கள். உங்களின் முயற்சி வெற்றியடைய கடுமையான உழைப்பை வெளிப்படுத்த தயங்க மாட்டீர்கள்.

உங்களிடம் ஒப்படைக்கப்படும் செயல்களை முழுமூச்சுடன் செயல்பட்டு செய்து முடிப்பீர்கள். பகையை விரும்புவர், பெற்றோருக்கு விருப்பம் உடையவர். மனதில் துக்கம் உடையவர், காட்டில் திரிபவர், சிற்றுண்டியை விரும்புபவன் புத்திமான், வஞ்சகம் இல்லாமல் எவரையும் ஏளனம் செய்பவர், சுகம் உடையவர், தன்னைவிட வலிமையான யாரையும் கண்டு அஞ்சாதவர், விழியும் புருவமும் உயர்ந்து ஒதுங்கி இருப்பவர். கோபமும் வேகமும் கொண்ட இவர்கள் செல்வந்தர்களாக இருப்பர். சிவந்த மேனி, அகலமான கண்களைப் பெற்றிருப்பர். நியாய தர்மங்களை மற்றவர்களுக்குப் போதிப்பர். மந்த குணமும் இருக்கும். நகை அணிதல், பணம் சம்பாதிப்பதில் அலாதிப் பிரியம் இருக்கும். செலவு செய்வதில் கெட்டிக்காரர்களாகத் திகழ்வர்.

1. ஆயில்யம் முதல் பாதத்தில் பிறந்தவர் மிகுந்த சொல்வன்மை உள்ளவர். பெண் போன்ற வடிவம் உடையவர். நல்ல அறிவுடையவர், மகிழ்ச்சியுடன் இருக்கும் தன்மை உடையவர், பலவிதமான செயல்களைச் செய்பவர்.

2. ஆயில்யம் இரண்டாம் பாதத்தில் பிறந்தவர் அயலான் இடும் வேலைகளைச் செய்பவன், அழகுடையவர், ஏக்கமுடையவர், ஆசாரமுடையவர், தீய வழியில் நடப்பவர், துர்ப்புத்தி உடையவர்.

3. ஆயில்யம் மூன்றாம் பாதத்தில் பிறந்தவர் முன்கோபி, மனைவியை வதைப்பவர், ஞானி தாமத குணமுள்ளவர், நலமற்ற சொற்களைப் பேசுபவர், மிகவும் நிபுணர்.

4. ஆயில்யம் நான்காம் பாதத்தில் பிறந்தவர் பொன்னை அழிப்பவர், கொலை செய்பவன், கோபக்காரர், தீயவனுக்கு நல்லவர், இழிந்த பெண்களின் போகத்தை விரும்புபவர், வியாதி உடையவர்.


மகம்

மகம் நட்சத்திரத்தில் பிறந்தவர்கள் அனைத்து செயல்களும் முழுமையாக முடிக்கப்பட வேண்டும் என்ற எண்ணத்தை வலுவாக கொண்டவராய் இருப்பீர்கள். உங்களிடம் ஒப்படைக்கப்படும் எந்த காரியமும் முழுமையாக செய்துவிடுவீர்கள். உடல் ஆரோக்கியத்தை மிகவும் ஆர்வமாக பேணிக்காப்பீர்கள். எந்த சூழ்நிலைகயையும் சமாளிக்க கூடிய மனநிலையை வளர்த்துக் கொள்ள விரும்புவீர்கள். மற்றவர்களிடம் உண்மையான உழைப்பையும் நேர்மையான செயல்களையும் எதிர்பார்ப்பீர்கள்.

உங்களது நேர்மையான செயல்பாடுகளால் மற்றவர்களிடம் உங்களுக்கான மதிப்பை அதிகரித்து கொள்வீர்கள். பல திசைகளில் சுற்றுவதில் விருப்பம் உடையவர். அழகர், இசைப்புலவன், நீராடுவதில் விருப்பம் உடையவர், அழகன், இசைப்புலவர், நீராடுவதில் விருப்பம் உடையவர், வாசனைப் பொருட்களில் விருப்பம் உடையவர், செல்வம் உடையவர், வலது பக்கத்தில் மரு உடையவர், நியாயஸ்தன், அற்ப நித்திரை உடையவர். ஆராய்ச்சி மனப்பான்மை உள்ளவர்கள், கல்வி பயில்வதில் ஆர்வம் கொண்டிருப்பர். தருமம் செய்வதில் வல்லவர்கள். மனத்தூய்மை, நேர்மை மிக்கவர்கள். பிறரை கவுரவமாக நடத்துவர். மதுரமான மொழி பேசுவதோடு பேச்சு சாதுர்யமும் பெற்றிருப்பர்.

1. மகம் முதல் பாதத்தில் பிறந்தவர் மற்றவர்களுக்கு பயம் அளிக்கும் சிவந்த கண்களை உடையவர், சிவந்த நிறம் உடையவர், சிறந்த மதியூகி, சிவந்த ரோமத்தை உடையவர்.

2. மகம் இரண்டாம் பாதத்தில் பிறந்தவர் நல்ல அறிவு இல்லாதவர், குற்றம் உடையவர். செலவழிப்பதில் விருப்பம் உள்ளவர். பொன் போன்ற கண்களை உடையவர், காது நோய் உடையவர்.

3. மகம் மூன்றாம் பாதத்தில் பிறந்தவர் பலசாலி, நோய்கள் உள்ளவர். சாது, கடின சொற்களைப் பேசுபவர், பொல்லாதவர், பரிசுத்தமானவர், பேராசை உடையவர்.

4. மகம் நான்காம் பாதத்தில் பிறந்தவர் ஒழுக்கமுடையவர், பெண்கள் பேச்சை கேட்பவர், சிரங்கும் வேறு ரோகங்களும் உள்ளவர். நல்ல மனைவி அமையப் பெற்றவன், இனிய சொற்களை பேசுபவர்.


பூரம்

பூரம் நட்சத்திரத்தில் பிறந்தவர்கள் ஆள்பாதி ஆடைபாதி என்பதற்கு முழுஉதாரணமாய் உங்களது உடைகளையும் ஆபரணங்களையும் பேணிக்காப்பீர்கள். மற்றவர்களை கவரும் விதமாய் உங்களது செயல்பாடுகள் அமைத்துக் கொள்வீர்கள். மனதிற்கு பிடித்தமான உணவு வகைகளை ருசித்து சாப்பிடுவீர்கள். மற்றவர்களால் புகழப்படும் காரியங்களை செய்வதில் அதிக ஆர்வம் கொண்டிருப்பீர்கள். பிரயாணம் செய்வதிலும் அதிக நாட்டம் உடையவராய் இருப்பீர்கள்.

வருங்காலத்திற்கான சேமிப்பை மேற்கொள்வதில் அனைத்து வழிகளையும் பின்பற்றுவீர்கள். இதமான வார்த்தைகளைப் பேசுபவர், கல்விமான், சிவந்த கண்கள் உடையவர், மிகவும் உழைத்துச் செல்வத்தை தேடுபவர் , பின்னால் வருவனவற்றை முன்னாலேயே அறிந்து செயல்படுபவர். வியாபாரி, கடினமான வார்த்தைகளைப் பேசுபவர், பலவிதமான எண்ணங்களை எண்ணுபவர், வேசிகளின் பிரியர், நகை அழகர், உயர்ந்த பண்புள்ளவர். ஒழுக்கமும், தைரியமும் இவர்களிடம் மேலோங்கி இருக்கும். புத்திக்கூர்மையோடு எதையும் அணுகுவர். வியாபாரத்தில் ஆர்வத்துடன் ஈடுபடுவர். விவசாயப்பணிகளில் நாட்டம் கொள்வர். உண்மை, நீதி உடையவர்களாக இருப்பர். மக்கள் மத்தியில் செல்வாக்கோடு வாழ்வர்.

1. பூரம் முதல் பாதத்தில் பிறந்தவர் தீரன், இனிமையான பேச்சு உடையவர், கோபம் உடையவர், ஆசாரம் உள்ளவர், வீரம் உடையவர், செல்வம் இல்லாதவர், சிறிய வீட்டை உடையவர், வியாபாரம் செய்பவர்.

2. பூரம் இரண்டாம் பாதத்தில் பிறந்தவர் உழவர், தாகம் உடையவர், மனக்கிலேசம் உடையவர், பிறர் உதவி இல்லாதவர்.

3. பூரம் மூன்றாம் பாதத்தில் பிறந்தவர் நல்ல குணமுடையவர், செல்வமேம்பாடு உடையவர், புகழ் உடையவர்.

4. பூரம் நான்காம் பாதத்தில் பிறந்தவர் துக்கம் உடையவர், வடு உள்ளவர், நித்திப்பவர், பிராமணர்களையும் தெய்வங்களையும் துதிப்பவர்.


உத்திரம்

உத்திரம் நட்சத்திரத்தில் பிறந்த நீங்கள் அனைத்து புத்தகங்களை படிப்பதிலும் ஆர்வத்துடன் இருப்பீர்கள். சுத்தத்திற்கு முதலிடம் கொடுப்பீர்கள். எந்த நேரத்திலும் சுத்தமாக இருக்க வேண்டும் என்ற எதிர்பார்ப்புடன் உங்களது செயல்களை அமைத்துக் கொள்வீர்கள். மற்றவர்களிடம் நயமான முறையில் பேசி சிக்கலான சமயங்களிலும் திறமையாக சமாளித்து விடுவீர்கள். அனைத்து காரியங்களிலும் திட்டமிட்டே செயல்படுத்துவீர்கள். உங்களது அனைத்து செயல்களும் எதிர்காலத்தை முக்கிய குறிக்கோளுடன் கொண்டதாக இருக்கும்.

திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள். வஞ்சகம் இல்லாமல் பேசுபவர், கைவலி உடையவர், கல்விமான், அழகான கண்களையும் வாயையும் உடையவர், பெண்களிடம் விருப்பம் உள்ளவர், முன்கோபி, மார்பு முகம் இவற்றில் மரு உள்ளவர், பொய்யில்லாத சூரன். நீராடுவதில் விருப்பம் உடையவர், அற்பப்பசி உடையவர், பக்தியுள்ளவர், நடை அழகர், தருமம் செய்பவர், ஞானி. உறவினர்களிடமும், நண்பர்களிடமும் இனிமையாகப் பழகுவர். பிறர் செய்த உதவிகளை நன்றியோடு எண்ணும் பண்பு கொண்டவர்கள். சுகபோகங்களை அனுபவிப்பதில் விருப்பம் இருக்கும். வாக்கு நாணயம் தவறாத குணம் கொண்ட இவர்கள், தெய்வ வழிபாட்டில் பக்தியோடு ஈடுபடுவர்.

1. உத்திரம் முதல் பாதத்தில் பிறந்தவர் இனிய வசனம் பேசுபவர், புகழ் உடையவர்,கண்ணியமானவர், தீரன், நல்லவர், சுற்றத்தார் மேல் விருப்பம் உடையவர்.

2. உத்திரம் இரண்டாம் பாதத்தில் பிறந்தவர் கருமி, தரித்திரன், ஊண் விருப்பம் உடையவர், குற்றமும் சஞ்சலமும் உடையவர், யாசகம் செய்பவர்.

3. உத்திரம் முன்றாம் பாதத்தில் பிறந்தவர் பிலுக்கண், உண்மை பேசுபவர், பசுமேய்ப்பன், ஆசாரம் உடையவர்.

4. உத்திரம் நான்காம் பாதத்தில் பிறந்தவர் நன்றி மறவாதவர் பிறரை மதிக்காதவர், மற்றவரைத்தூஷிப்பவர், வாலிப வயதில் தாயை இழப்பவர்.


அஸ்தம்

அஸ்தம் நட்சத்திரத்தில் பிறந்தவர்கள் நல்ல அறிவுபூர்வமான பேச்சுத்திறமையை உடையவராய் இருப்பீர்கள். எந்த நேரத்திலும் சுறுசுறுப்பான மனநிலையைக் கொண்டிருப்பீர்கள். சேமிப்பில் ஆர்வம் கொண்டிருப்பீர்கள். திறமையான பேச்சால் சிறந்த நிர்வாகத்திறமை கொண்டவராய் விளங்குவீர்கள். திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள்.கோபி, கல்விமான், சிறுபசி உள்ளவர், தருமவார், இன்பக் குறிப்பு உள்ளவர், சூரன், அழகர், கடினமான வார்த்தைகள் பேசுபவர், புத்திமான், பின்வயதில் செல்வம் பெறுவர், சிறுகண் உடையவர், அகன்ற மார்பை உடையவர், பின்கால் அழகர், குருபக்தி உடையவர். ஆடை, ஆபரணங்களில் பிரியம் கொண்டவர்கள். கல்வியில் ஆர்வம் காட்டுவர். நாட்டியம், சங்கீதம் போன்ற கலைகளில் ரசிகத்தன்மை இருக்கும். வாயடித்தனமாகவும், விகடமாகவும் பேசும் இயல்பு கொண்டவர்கள். யாரிடமும் தானாக வலியச் சென்று பழகும் இவர்கள், தாயாரின் மீது அலாதி அன்பு கொண்டிருப்பர்.

1. அஸ்தம் முதல் பாதத்தில் பிறந்தவர் கலகம் செய்பவர், பொய்யர், கர்வம் உடையவர், பிலுக்கண் ஆசாரம் உடையவர், பசுக்களிடம் பிரியமுள்ளவர்.

2. அஸ்தம் இரண்டாம் பாதத்தில் பிறந்தவர் நல்ல குணமானவர், வாலிபத்தில் தாயை இழப்பவர், ஆடல் பாடலில் விருப்பம் உடையவர்.

3. அஸ்தம் முன்றாம் பாதத்தில் பிறந்தவர் பகைவர் போன்ற மனத்தை உடையவர், சிறு வயதில் தந்தையை இழக்கக் கூடியவர், பெரிய தந்திரசாலி வியாதியை உடையவர், வியாபாரி.

4. அஸ்தம் நான்காம் பாதத்தில் பிறந்தவர் நன்னடைத்தை உடையவர், கொடையாளி, உயரமானவர், சந்தோஷி, மேன்மை, உடையவர், தாய்க்கு இனியவர், புகழ் உடையவர்


சித்திரை

சித்திரை நட்சத்திரத்தில் பிறந்தவர்கள் பலன் எதிர்பாராமல் மற்றவர்களுக்கு உதவி செய்யும் குணத்தை உடையவராய் இருப்பீர்கள். மற்றவர்கள் தவறு செய்யும் போது அதை துணிந்து திருத்தவும் முயற்சி செய்வீர்கள். சுறுசுறுப்பான மனநிலையைக் கொண்டிருப்பீர்கள். சரியான நேரத்திற்கு உணவருந்த மாட்டீர்கள். சேமிப்பில் ஆர்வம் கொண்டு செயல்படுவீர்கள். சுத்தமான ஆடை அணிவது உங்களுக்கு மிகவும் பிடித்தமான விஷயமாக இருக்கும். பலம் பொருந்திய உடல் உடையவர், அகன்ற மார்பை உடையவர், கடின நடையர், பிரிய வசனம் உடையவர், நல்ல குணம் உடையவர், தமோ குணம் உடையவர், எல்லோருக்கும் நண்பர், திடமான வாக்கு உடையவர், முகத்தில் மரு உள்ளவர், அற்ப நித்திரை உடையவர், அதிகம், செலவழிக்க மாட்டார், சூரன், துக்கம் உள்ளவர், முன்கோபி. தானுண்டு தன் வேலையுண்டு என்றிருக்கும் இவர்கள், ஊர் சுற்றுவதில் மிகவும் விருப்பம் கொண்டவர்கள். கல்வி கேள்வியில் சிறந்து விளங்குவர். தைரியம் நெஞ்சில் நிறைந்திருக்கும். எதிரியையும் நேசிக்கும் பரந்த உள்ளம் கொண்டவர்கள். பிறருடைய குணம் அறிந்து செயல்பட்டு தனக்கு வேண்டியதைச் சாதித்துக் கொள்வர்.

1. சித்திரை முதல் பாதத்தில் பிறந்தவர் பொல்லாத காரியங்கள் செய்பவர், கண்ரோகக்காரர், வியாக்கியானம் செய்பவர், சஞ்சாரி.

2. சித்திரை இரண்டாம் பாதத்தில் பிறந்தவர் நல்ல வார்த்தைப் பேசுபவர், தன் உடம்பைக் கவனித்துக் கொள்பவர், தரித்திறர், உயரமானவர், தவம் செய்பவர், சஞ்சல மனம் உடையவர்.

3. சித்திரை முன்றாம் பாதத்தில் பிறந்தவர் கீர்த்திமான் பராக்கிரமசாலி வித்துவான், நல்ல நடத்தையுடையவர், அறிவுள்ளவர்.

4. சித்திரை நான்காம் பாதத்தில் பிறந்தவர் பகைவரை வணங்கச் செய்பவர், சுயபுத்தி உடையவர், வெற்றிடையவர்.


சுவாதி

சுவாதி நட்சத்திரத்தில் பிறந்தவர்கள் எப்போதும் சுறுசுறுப்பான மனநிலையைக் கொண்டவராய் இருப்பீர்கள். மற்றவர்களுக்கு பிரதிபலன் எதிர்பாராமல் உதவும் எண்ணம் கொண்டவர். உடல் ஆரோக்கியத்தை பேணுவதில் மிகுந்த கவனம் செலுத்துவீர்கள். மிகுந்த ஜாக்கிரதை உணர்வோடு செயல்படுவீர்கள். சிக்கனத்தில் அதிக நாட்டம் கொண்டிருப்பீர்கள். பலரிடத்திலும் பிரியமாக இருப்பவர், போஜனப் பிரியர், துடையில் மரு இருக்கும், தெய்வ பக்தி உள்ளவர், சுதந்திரத்தில் விருப்பம் உள்ளவர், ராஜ வேலைக்கு உரியவர். கல்விமான், பெற்றோரிடத்தில் அன்பு உள்ளவர், விசுவாசம் உள்ளவர், வலிமையான உடல் உள்ளவர், நேர்மையாகப் பேசுபவர், கையில் ஆயுதம் பிடிப்பவர், தியாகி. பெரிய மனிதர்கள் இவர்களிடம் வலிய வந்து பழகுவார்கள். ஆழ்ந்த தூக்கத்தில் கனவு காண்பது இவர்களின் சுபாவம். புத்தி கூர்மையுடனும், எதிலும் முன்யோசனையோடு செயல்படும் இவர்களின் சிறப்பம்சம். சுகபோகங்களை அனுபவிக்கும் யோகம் கொண்டவர்கள். நம்பிக்கைக்கு பாத்திரமாக நடந்து கொள்ளும் இவர்கள், பழகுவதற்கும் இனிமையானவர்கள்

1. சுவாதி முதல் பாதத்தில் பிறந்தவர் , தீரன், கனவு காண்பவர், ஞானி, செல்வர்களிடம் நேசம் உள்ளவர், கல்வித் திறனும் பேச்சுத் திறமையும் உடையவர், சாது.

2. சுவாதி இரண்டாம் பாதத்தில் பிறந்தவர் மனோதிடம் உள்ளவர், வாய் வார்த்தை ஜாலம்பேசுவார், புத்திசாலி, காரியவாதி. உண்மை, பேசுவார், அந்தரங்கக்காரர்.

3. சுவாதி முன்றாம் பாதத்தில் பிறந்தவர் வில்வித்தை விரும்புபவர், குரூர குணம் உடையவர், வஞ்சக எண்ணம் உடையவர், தீய வழியில் நடப்பவர், கலகம் செய்பவர்.

4. சுவாதி நான்காம் பாதத்தில் பிறந்தவர் சொல் சாதுர்யம் உடையவர், கோபி, கலகத்தில் விருப்பம் உடையவர், ஒழுக்கம் உடையவர், துன்மார்க்கர், திருடர்.


விசாகம்

விசாகம் நட்சத்திரத்தில் பிறந்தவர்கள் புத்தகங்களை படிப்பதில் மிகுந்த ஆர்வம் கொண்டிருப்பீர்கள். மற்றவர்களை கவரக்கூடிய குண நலன்களை கொண்டிருப்பீர்கள். உற்சாகமான மனநிலை கொண்டவராய் இருப்பீர்கள். நீதிமான், நித்திரையில் விருப்பம் உடையவர், முகத்தில் மரு உடையவர், சுற்றத்தார்க்கும் அரசருக்கும் பிரியர், சொல் அடக்கம் உடையவர். நல்ல வார்த்தைகளை உடையவர். பொறுமையுடையவர், பெண்களின் விருப்பத்திற்குரியவர், தலை, மார்பு, இடுப்பு இவற்றில் மரு உடையவர், செல்வம் உள்ளவர், சதுர் வேதங்களிலும் நிபுணர், குணவான், முன்கோபி, தெய்வ வழிபாடு செய்பவர், வில், வாள் இவற்றைத் தாங்கும் வலுவுடையவர், யானை, குதிரை இவற்றைச் செலுத்துபவர், தியாக குணத்தையுடையவர். வியாபாரத்தில் விருப்பத்துடன் ஈடுபடுவர். நடக்காததையும் நடத்திக் காட்டும் சாமர்த்தியம் பெற்றவர்கள். சங்கீதம் போன்ற கலைகளில் ஆர்வம் இருக்கும். தன்னைப் பற்றித் தானே புகழ்ந்து கொள்ளும் இவர்கள், திறமைசாலிகளாகவும் இருப்பர். தானதர்மம் செய்வதில் அக்கறை காட்டுவர்.

1. விசாகம் முதல் பாதத்தில் பிறந்தவர் வஞ்சகர், கல்விமார், ஜோதிடம் அறிந்தவர், சௌக்கியவார், புலவர், வியாபாரி.

2. விசாகம் இரண்டாம் பாதத்தில் பிறந்தவர் தற்புகழ்ச்சிக்காரர், மந்திவாதி, உண்மை பேசுபவர், நீதிமார், ரோகி, சந்தோசம் உடையவர், நல்லவர்.

3. விசாகம் மூன்றாம் பாதத்தில் பிறந்தவர் பலமுள்ளவர், கள்ளன், குள்ளன், நல்ல காரியங்களை அறிந்தவர், அந்நியப் பெண்களிடம் விருப்பம் உள்ளவர், வாய்ஜாலக்காரர்.

4. விசாகம் நான்காம் பாதத்தில் பிறந்தவர் அரிய புத்திமான் யோகி, செல்வர், ஞானி, ஒருதாரம் உடையவர், உயரமானவர், வாய்ஜலக்காரர்.


அனுஷம்

அனுஷம் நட்சத்திரத்தில் பிறந்தவர்கள் மற்றவர்களால் மதிக்கப்பட வேண்டும் என்ற எண்ணத்துடன் கூடியவனாய் இருக்கும் நீங்கள் அழகாக பேசுவீர்கள். சில சமயங்களில் உங்களுடைய சாதுர்யமான பேச்சினால் மற்றவர்களிடம் உங்களுக்கான மதிப்பை பெற்றுவிடுவீர்கள். பொருள் சேமிப்பை விரும்புவீர்கள். எதிர்காலத்திற்கான திட்டங்களில் தெளிவான வரையறுத்துக் கொண்டிருப்பீர்கள். உங்களின் முயற்சி வெற்றியடைய கடுமையான உழைப்பை வெளிப்படுத்த தயங்க மாட்டீர்கள். நல்ல குணவான், தாம்பூலப் பிரியன், எல்லாராலும் புகழப்படுபவர், கண்ணியம் உடையவர், பக்திமார், நீதிமார், தூய்மையானவர், சிவந்த கண்களை உடையவர், மனிதர்களுள் சிறந்தவர், மானஸ்தர், பெண்களால் விரும்பப்படுபவர், அகன்ற மார்பை உடையவர், பெற்றோரை இரட்சிப்பவர், யானைபோன்ற வேகம் உடையவர், நல்ல வார்த்தைகளைப் பேசுபவர், செல்வம் உடையவர்,கோபி. உற்றார் உறவினர்களிடம் செல்வாக்குடன் திகழ்வர். மேன்மையான அந்தஸ்து உள்ள பதவிகளில் வீற்றிருப்பர். அரசாங்கத்தில் பாராட்டு பெறும் யோகமுண்டு. பிறர் மனம், குணம் அறிந்து செயல்படுவதில் வல்லவர்கள். ஊர் ஊராகச் சுற்றும் குணம் கொண்ட இவர்கள், பிறரிடம் மனம் விட்டுப் பேச மாட்டார்கள்.

1. அனுஷம் முதல் பாதத்தில் பிறந்தவர் நல்ல பதவியை உடையவர், நியாயக்காரர், சக்தியவார், ஆசாரக்காரர், மந்திரவாதி, செய்வோர்.

2. அனுஷம் இரண்டாம் பாதத்தில் பிறந்தவர் புல்லாங்குழலிசையில் பிரியம் உடையவர், நல்ல வாய்ஜாலம் உடையவர், சிறந்த புத்திமார், கருமி.

3. அனுஷம் மூன்றாம் பாதத்தில் பிறந்தவர் புத்திமார், அழகர், மெல்லிய குரல் உடையவர், கல்விமான்.

4. அனுஷம் நான்காம் பாதத்தில் பிறந்தவர் நச்சுச் சொல்லை உடையவர், ரோகி, மோசக்காரர், நாணயம் உடையவர்.


கேட்டை

கேட்டை நட்சத்திரத்தில் பிறந்தவர்கள் அனைத்து செயல்களும் முழுமையாக முடிக்கப்பட வேண்டும் என்ற எண்ணத்தை வலுவாக கொண்டவராய் இருப்பீர்கள். உங்களிடம் ஒப்படைக்கப்படும் எந்த காரியமும் முழுமையாக செய்துவிடுவீர்கள். உடல் ஆரோக்கியத்தை மிகவும் ஆர்வமாக பேணிக்காப்பீர்கள். எந்த சூழ்நிலையையும் சாமாளிக்க கூடிய மனநிலையை வளர்த்துக் கொள்ள விரும்புவீர்கள். மற்றவர்களிடம் உண்மையான உழைப்பையும் நேர்மையான செயல்களையும் எதிர்ப்பார்ப்பீர்கள். உங்களது நேர்மையான செயல்பாடுகளால் மற்றவர்களிடம் உங்களுக்கான மதிப்பை அதிகரித்து கொள்வீர்கள்.வலிமை வாய்ந்தவர், துஷ்டர்களின் நண்பர், பொய் பேசாதவர், உபாயர், பக்தி உள்ளவர், கோபம் உள்ளவர், உள்மூச்சு உள்ளவர், புத்திமார், உயரமானவர், தமயரை ரட்சிப்பவர், சிற்றுண்டி பிரியர், அரசர்களுக்கு இனியவர், கண்கள் சிவந்து இருப்பவர், வலது புரத்தில் மரு இருப்பவர், கெட்ட சொல்லைத் திடமாகக் கொள்ளமாட்டார், பொய்யை மெய்யாக மாற்றும் திறமையுள்ளவர், நற்கேள்வி உள்ளவர், கடினச் சொல்லை உடையவர். கல்வியில் தேர்ச்சி பெற்று திகழ்வர். தைரியமும் துணிச்சலும் இயல்பாக இருக்கும். குறும்புத்தனமும், நகைச்சுவையும் கொண்டவர்கள். அழகாகவும், சுருக்கமாவும் பேசுவதில் வல்லவர்கள். முன் நின்று எந்தச் செயலையும் நடத்திக் காட்டும் சாமர்த்தியம் உண்டு. முன்கோபம் இருந்தாலும், யாருக்கும் தீங்கு எண்ண மாட்டார்கள்.

1. கேட்டை முதல் பாதத்தில் பிறந்தவர் எழுதவல்லவர், கர்வி, பரிகாசம், செய்பவர், விளையாட்டுச் செய்கை உடையவர், மகிழ்ச்சியுடைய மனம் உள்ளவர்.

2. கேட்டை இரண்டாம் பாதத்தில் பிறந்தவர் சங்கீதப் பிரியன் வாய்ஜாலம் உள்ளவர், ஈகைக்குணம் உடையவர், சுகவார், போகி, கல்மனம் உடையவர், ரோகி.

3. கேட்டை மூன்றாம் பாதத்தில் பிறந்தவர் கண்நோய் உடையவர், பசு உடையவர், கலக்க்காரர், இழிந்த புத்தி உள்ளவர், அந்நியரின் தொழில்களைத் தனது என்று நினைத்துச் செய்பவர். சாது.

4. கேட்டை நான்காம் பாதத்தில் பிறந்தவர் கலகம் செய்வதில் விருப்பம் உடையவர், முன்னோடி, வஞ்சகர், குரூரன், தன்குல மேன்மையைக் கூறுபவர்.


மூலம்

மூலம் நட்சத்திரத்தில் பிறந்தவர்கள் ஆள்பாதி ஆடைபாதி என்பதற்கு முழுஉதாரணமாய் உங்களது உடைகளையும் ஆபரணங்களையும் பேணிக்காப்பீர்கள். மற்றவர்களை கவரும் விதமாய் உங்களது செயல்பாடுகள் அமைத்துக் கொள்வீர்கள். மனதிற்கு பிடித்தமான உணவு வகைகளை ருசித்து சாப்பிடுவீர்கள். மற்றவர்களால் புகழப்படும் காரியங்களை செய்வதில் அதிக ஆர்வம் கொண்டிருப்பீர்கள். பிரயாணம் செய்வதிலும் அதிக நாட்டம் உடையவராய் இருப்பீர்கள். வருங்காலத்திற்காள சேமிப்பை மேற்கொள்வதில் அனைத்து வழிகளையும் பின்பற்றுவீர்கள். மிக்க நித்திரைப் பிரியர், புறங்கால் அழகுடையவர், செய்யும் கருமங்களைக்குற்றம் இல்லாமல் செய்பவர், பக்திமார், ஆயுதத்தால் ஜீவிப்பார், தாய், தந்தையாருக்குப் பிரியர், தவநெறி உடையவர், சிறுதீனி தின்பவர், லோபி, கண் சிறுத்து சிவந்து இருப்பவர், கல்விமார், கொடுமையே செய்பவர், பந்துக்களைச் சேராதவர், முன்கோபி கொடியர். சோம்பல் என்பதே இல்லாமல் மிகவும் சுறுசுறுப்பாகச் செயல்படுவர். கல்விகேள்விகளில் ஆர்வம் நிறைந்திருக்கும். பார்ப்பதற்கு லட்சணம் பொருந்தியவர்களாக இருக்கும் இவர்கள், பழங்களை விருப்பத்தோடு புசிப்பர். உடல் வலிமையோடு திகழ்வர்.

1. மூலம் முதல் பாதத்தில் பிறந்தவர் கிழங்குவகைப் பொருட்களில் விருப்பம் உள்ளவர், பாபத் தொழில்களையே செய்பவர், ரோகி பித்தம் கொண்டவர்.

2. மூலம் இரண்டாம் பாதத்தில் பிறந்தவர் வித்வார், வயிற்று நோய், உடையவர், பொய் பேசுபவர், நல்ல புத்தி உள்ளவர், எல்லோரிடமும் இன்பம் உடையவர்.

3. முலம் மூன்றாம் பாதத்தில் பிறந்தவர் பில்லி, சூன்யம், இவற்றில் ஆர்வம் உள்ளவர், புதிய கலைகளைக் கற்றுக் கொள்பவர், அழகுள்ளவர், சோம்பேறி, கருமி, நல்ல பழக்கங்களில் விருப்பம் உள்ளவர்.

4. மூலம் நான்காம் பாதத்தில் பிறந்தவர் நல்ல பலவான், காரியத்தில் வல்லவர், சாது, கோபத்தை அழித்தவர், ஞானி பகைவரை வெல்லுபவர், கழுத்தில் நோய் உள்ளவர்.


பூராடம்

பூராடம் நட்சத்திரத்தில் பிறந்தவர்கள் அனைத்து வகையான புத்தகங்களை படிப்பதிலும் ஆர்வத்துடன் இருப்பீர்கள். சுத்தத்திற்கு முதலிடம் கொடுப்பீர்கள். எந்த நேரத்திலும் சுத்தமாக இருக்க வேண்டும் என்ற எதிர்ப்பார்ப்புடன் உங்களது செயல்களை அமைத்துக்கொள்வீர்கள். மற்றவர்களிடம் நயமான முறையில் பேசி சிக்கலான சமயங்களிலும் திறமையாக சமாளித்து விடுவீர்கள். அனைத்து காரியங்களிலும் திட்டமிட்ட செயல்படுத்துவீர்கள். உங்களது அனைத்து செயல்களும் எதிர்காலத்தை முக்கிய குறிக்கோளுடன் கொண்டதாக இருக்கும்.

திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள். குறுகிய நெற்றி உடையவர், உயரமானவர், விசனம், உள்ளவர், வாசனைப்பிரியர், மன்னருக்கு நண்பர், உயர்ந்த பதவியை வகிப்பவர், சிற்றுண்டிப்பிரியர், தாய்க்கு விருப்பமானவர், தன்னை வந்தடைந்தவரை ரட்சிப்பவர், சிறிய சிவந்த கண்கள் உடையவர், நீண்ட கை, கால்களை உடையவர், அழகுடையவர், விசால மனம் உடையவர், கள்ளன், சூரன், வலிமையான கரங்களையும் தோள்களையும் உடையவர், பொய் சொல்லாதவர், பயணம் செய்வதில் விருப்பம் உடையவர், பெண்களுக்கு இனியர், தரும சிந்தனை உடையவர். சுக போகங்களை அனுபவிப்பதில் விருப்பம் கொள்வர். நண்பர்கள், உறவினர்கள் மத்தியில் செல்வாக்கோடு வாழ்வர். பிடிவாத குணத்தோடு மிக கடுமையாகப் பேசும் சுபாவம் இருக்கும். வாக்குவாதங்களில் அடிக்கடி ஈடுபடுவர்.

1. பூராடம் முதல் பாதத்தில் பிறந்தவர் மிகுந்த வணக்கத்துக்கு உடையவர், குழந்தை பேறு இல்லாதவர், சச்சரவு உண்டாக்குபவர், சூரன், நடுவயது வரை ஆயுள் இருப்பவர்.

2. பூராடம் இரண்டாம பாதத்தில் பிறந்தவர் யோகி, அழகுள்ளவர், நண்பர்கள் இல்லாதவர், அறிவற்றவர், வேசிகளின் லோலர்.

3. பூராடம் மூன்றாம் பாதத்தில் பிறந்தவர் சுகவார், செல்வம் உடையவர், வாலிப தசையில் தாயை இழப்பவர், பெரிய வியாதி உடையவர், நற்குணவார், தெளிவான சிந்தவனை உடையவர்.

4. பூராடம் நான்காம் பாதத்தில் பிறந்தவர் பலமில்லாதவர், முதுகு நோய் உள்ளவர், திருடன் அபவாதம் சொல்பவர், பலவான், துரோகி, தந்தையைச் சிறுவயதிலேயே இழப்பவனாயும் இருப்பான்.


உத்திராடம்

உத்திராடம் நட்சத்திரத்தில் பிறந்தவர்கள் நல்ல அறிவுப்பூர்வமான பேச்சுத்திறமையை உடையவராய் இருப்பீர்கள். எந்த நேரத்திலும் சுறுசுறுப்பான மனநிலையைக் கொண்டிருப்பீர்கள். சேமிப்பில் ஆர்வம் கொண்டிருப்பீர்கள். திறமையான பேச்சால் சிறந்த நிர்வாகத்திறமை கொண்டவராய் விளங்குவீர்கள். திறமையாக மற்றவர்களிடம் வேலை வாங்குவதில் சமர்த்தராய் இருப்பீர்கள். பெண்களுக்கு இனிமையானவர், முகத்தில் மரு உடையவர், சரீரபலம் உடையவர், பலவார், புத்திமார், சுற்றத்தார்க்கு நல்லவர், நீண்ட மூக்கு, உடையவர், நல்ல வார்த்தைகளையே பேசுபவர், போஜனப்பிரியர், நீரைக் கண்டு அஞ்சமாட்டார், தர்மி, பிறர்பொருளை விரும்பமாட்டார், தூயவர், நல்லவர்க்கு நல்லவர், தியாகி. அழகான தோற்றமும், தேகபல மும் கொண்டவர்கள். கலைகளில் ஆர்வம் காட்டுவர். பொறுமையும், இனிமையும் இவர்கள் பேச்சில் கலந்திருக்கும்.

1. உத்திராடம் முதல் பாதத்தில் பிறந்தவர் அழகு வாய்ந்தவர், நல்ல புத்திசாலி, ஈகைத் தன்மை உடையவர், சகல விதமான சாஸ்திரங்களை அறிந்தவர், குருசை உபசரிப்பவர்.

2. உத்திராடம் இரண்டாம் பாதத்தில் பிறந்தவர் நல்ல வாக்குச் சாதுரியம் உடையவர், உலோபி, தற்பெருமை பேசுபவர், திடவான், மேன்மையான கருமங்களை ரகசியமாக செய்பவர்.

3. உத்திராடம் மூன்றாம் பாதத்தில் பிறந்தவர் கல்விமான் பெரு நோக்காய்ப் பேசுபவர், குரூரமானவர், கலங்கிய மனத்தை உடையவர், கோபி, பருத்த தேகத்தை உடையவர்.

4. உத்திராடம் நான்காம் பாதத்தில பிறந்தவர் தைரியம் வீரியம் உடையவர், தரும்ம் செய்பவர், விசேஷ செயல்பாடு உள்ளவர், வியாபாரி, சுற்றத்தார்களிடத்தில் அன்புள்ளவர்.


திருவோணம்

திருவோணம் நட்சத்திரத்தில் பிறந்தவர்கள் பலன் எதிர்பாராமல் மற்றவர்களுக்கு உதவி செய்யும் குணத்தை உடையவராய் இருப்பீர்கள். மற்றவர்கள் தவறு செய்யும் போது அதை துணிந்து திருத்தவும் முயற்சி செய்வீர்கள். சுறுசுறுப்பான மனநிலையைக் கொண்டிருப்பீர்கள். சரியான நேரத்திற்கு உணவருந்த மாட்டீர்கள். சேமிப்பில் ஆர்வம் கொண்டு செயல்படுவீர்கள். சுத்தமான ஆடை அணிவது உங்களுக்கு மிகவும் பிடித்தமான விஷயமாக இருக்கும். கல்வி உடையவர், ஒரு வழிப் போக்கர், விரைவில் கோபம் வந்து உடனே மாறும் குணம் உடையவர். முன்னும் பின்னும் பார்த்து நடப்பவர், உயர்ந்த உள்ளங்கால்களை உடையவர், பெண்களுக்கு இனியவர், வாசனைப் பொருட்களில் விருப்பம் உடையவர், மயிர் அழகர், உற்சாக முடையவர், சிக்கனத்தை கடைபிடிப்பவர், ஈகை குணம் இல்லாதவர். தெய்வீக வழிபாட்டில் பக்தியும், பெரியவர்களிடத்தில் மரியாதையும் கொண்டிருப்பர். பொது விஷயங்களில் ஆர்வத்துடன் பங்கேற்பர். மற்றவர்களைப் புரிந்து கொள்வதில் வல்லவர்கள். பிறருக்கு உதவி செய்யும் எண்ணம் கொண்டிருப்பர். நிலபுலன்களை அதிகம் பெற்றிருப்பர்.

1. திருவோணம் முதல் பாதத்தில் பிறந்தவர் புத்திசாலி, தூயதேகத்தை உடையவர், பிள்ளைகள் இல்லாதவர், போகி, நிலைபெற்ற உற்சாகி, கலகக்காரர், கர்வி.

2. திருவோணம் இரண்டாம் பாதத்தில் பிறந்தவர் பிரும்ம ஞானி, கருமி, தயவு தாட்சண்யம் இல்லாதவர், லோபி சிநேகம் இல்லாதவர்.

3. திருவோணம் மூன்றாம் பாதத்தில் பிறந்தவர் பிரும்ம கருமி, ரோகி, போகி, செல்வம், உடையவர், உதார குணம் உடையவர், தயவற்றவர்.

4. திருவோணம் நான்காம் பாதத்தில் பிறந்தவர் வேசி லோலன், சீலம் உடையவர், தருமம் புகழ் உடையவர், தனவான், பயிர் செய்பவர்


அவிட்டம்

அவிட்டம் நட்சத்திரத்தில் பிறந்தவர்கள் எப்போதும் சுறுசுறுப்பான மனநிலையைக் கொண்டவராய் இருப்பீர்கள். மற்றவர்களுக்கு பிரதிபலன் எதிர்பாராமல் உதவும் எண்ணம் கொண்டவர். உடல் ஆரோக்கியத்தை பேணுவதில் மிகுந்த கவனம் செலுத்துவீர்கள். மிகுந்த ஜாக்கிரதை உணர்வோடு செயல்படுவீர்கள். சிக்கனத்தில் அதிக நாட்டம் கொண்டிருப்பீர்கள். நெறியான தொழிலைச் செய்பவர், ஒருவருக்கும் பயப்படமாட்டார்கள், தியாகி, உயரமான நாசி உடையவர், ஒருவர் சொல்லையும் பொறுக்கமாட்டார். மாமிச பட்சண பிரியர், பெற்றோருக்கு விருப்பமானவர், பெண்களுக்கு இனியவர், செல்வம் உடையவர், அழகர், அறிவாளி, பிறரின் பொருளை அபகரிக்க மாட்டார்கள். செல்வவளமும் மக்கள் செல்வாக்கும் இவர்களுக்கு இருக்கும். கம்பீரமான தோற்றம் கொண்டிருப்பர். மனோதிடம் பெற்றிருப்பர். கோபம் இவர்களின் இயல்பாக இருந்தாலும் தேவையான விஷயங்களில் நிதானத்தையும் கடைபிடிப்பர். மனைவியின் பேச்சுக்கு மதிப்பளிப்பர்.

1. அவிட்டம் முதல் பாதத்தில் பிறந்தவர் காமி, பசி, பொறுக்க இயலாதவர், மனக்கிலேசம் உடையவர், நிஷ்டூரகர், ஸ்தூலதேகம் உடையவர், கறுப்பு நிறம் உடையவர்.

2. அவிட்டம் இரண்டாம் பாதத்தில் பிறந்தவர் கெட்டவர், வஞ்சகர், சத்தியவார், புத்திமான், விடாமுயற்சி உடையவர், சாஸ்திரவாதி, தருமம் உடையவர், தரித்திரம் உடையவர்.

3. அவிட்டம் மூன்றாம் பாதத்தில் பிறந்தவர் குணசீலன், இளைத்த உடல் உடையவர், திடமான மனம் உடையவர், நல்ல நடத்தை உடையவர், சிவந்த நிறம் உடையவர்.

4. அவிட்டம் நான்காம் பாதத்தில் பிறந்தவர் தனவான், குரூரன், ஸ்தூல தேகத்தை உடையவர், கர்வி, வஞ்சகன், மயிர் அழகுள்ளவர்.


சதயம்

சதயம் நட்சத்திரத்தில் பிறந்தவர்கள் புத்தகங்களை படிப்பதில் மிகுந்த ஆர்வம் கொண்டிருப்பீர்கள். மற்றவர்களை கவரக்கூடிய குண நலன்களை கொண்டிருப்பீர்கள். உற்சாகமான மனநிலை கொண்டவராய் இருப்பீர்கள். கோபமான சொற்களை பொறுக்கமாட்டார். ரோகம் உடையவர், இனியவர், பக்திமான், கை, கால் வலுவுள்ளவன், அழகிய வாயை உடையவர், பொய் பேசமாட்டார். அரசர்க்கு இனியவர், நீராடுவதில் விருப்பம் உடையவர். பகைவரை வெல்பவர், செல்வம் உள்ளவர், வழக்கு உரைப்பவர். பார்ப்பதற்கு வசீகரமான தோற்றம் கொண்டிருப்பர். பால் பாக்கியம் பெற்று செல்வவளத் தோடு வாழ்வர். பொறுமை மிக்க இவர்கள், விசாலமான சிந்தனையுடன் செயல்படுவர். மனதில் எண்ணியதை நிறைவேற்றுவதில் வல்லவர்கள். தீர்க்கமான யோசனைக்குப் பிறகே செயலில் ஈடுபடுவர். செயல்களில் திறமையும், நல்ல நடத்தையும் கொண்டிருப்பர்.

1. சதயம் முதல் பாதத்தில் பிறந்தவர் குணவான், அழகர், உதாரண், சீலன், பசு, பிரமாணர்களின் மேல் அன்புடையவர்.

2. சதயம் இரண்டாம் பாதத்தில் பிறந்தவர் கோபம் உடையவர், கிலேசம் உடையவர், வஞ்சகன். ஆசாரம் அற்ற இழிந்த குலத்தவர்.

3. சதயம் மூன்றாம் பாதத்தில் பிறந்தவர் நல்ல காரியங்களை எல்லாம் முடிப்பவர், பசி உள்ளவர், வயிற்றுநோய் உள்ளவர், பித்தன், சேவக விருத்தி செய்பவர், புத்திமான்.

4. சதயம் நான்காம் பாதத்தில் பிறந்தவர் நஷ்டத்தை உணர்பவர், நினைத்த காரியத்தை முடிப்பவர், நல்லவர், சுகவான்.


பூரட்டாதி

பூரட்டாதி நட்சத்திரத்தில் பிறந்தவர்கள் மற்றவர்களால் மதிக்கப்பட வேண்டும் என்ற எண்ணத்துடன் கூடியவராய் இருக்கும் நீங்கள் அழகாக பேசுவீர்கள். சில சமயங்களில் உங்களுடைய சாதுர்யான பேச்சினால் மற்றவர்களிடம் உங்களுக்கான மதிப்பை பெற்றுவிடுவீர்கள். பொருள் சேமிப்பை விரும்புவீர்கள். எதிர்காலத்திற்கான திட்டங்களில் தெளிவாக வரையறுத்துக் கொண்டிருப்பீர்கள். உங்களின் முயற்சி வெற்றியடைய கடுமையான உழைப்பை வெளிப்படுத்த தயங்க மாட்டீர்கள்.

உங்களிடம் ஒப்படைக்கப்படும் செயல்களை முழுமூச்சுடன் செயல்பட்டு செய்து முடிப்பீர்கள். பிறர் சொல்லைப் பொறுக்க மாட்டார், வழக்குரைப்பார், பால், நெய், இவற்றில் விருப்பம் உடையவர், பெண்களுக்கு கவுரவம் வழங்கமாட்டார். கல்விமான், ஆசி கூறுபவர், அழகுடையவர், பக்திமான். மற்றவர்களின் மனதில் இருப்பதை அறிவதில் கெட்டிக்காரர்கள். திடமான மனமும், உடல் வலிமையும் பெற்றிருப்பர். சுக சவுகர்யங்களோடு வாழ்க்கை நடத்த விரும்புவர். மனைவியை மிகவும் நேசிப்பார்கள். பெரிய மனிதர்களிடம் நட்பு பாராட்டுவர். எல்லோரிடமும் சகஜமாகப் பழகுவர். தொழிலில் அக்கறையோடு ஈடுபடுவர்.

1. பூரட்டாதி முதல் பாதத்தில் பிறந்தவர் பிராமணர், அகன்ற முகத்தை உடையவர், பலவான், மனைவிமேல் பிரியம் உடையவர், சண்டை செய்வோன், நல்லுணர்ச்சி உடையவர், சுகவான்.

2. பூரட்டாதி இரண்டாம் பாததில் பிறந்தவர் கடவுள்மந்திரம் அறிந்தவர், உண்மை தளராதவர், யாரிடமும் சென்று வணங்கிக் காரியத்தை முடிப்பவர்.

3. பூரட்டாதி மூன்றாம் பாதத்தில் பிறந்தவர் சந்தோஷம் உள்ளவர், பொறுமை, நல்ல நடத்தையுள்ளவர், புலவர், அயலாளிகளின் வீட்டுப் போஜனத்தில் விருப்பம் உடையவர்.

4. பூரட்டாதி நான்காம் பாதத்தில் பிறந்தவர் குணவான். சத்தியவான், குள்ளன், நட்புள்ளவர், நல்ல தொழில் உள்ளவர், சீமான்.


உத்திரட்டாதி

உத்திரட்டாதி நட்சத்திரத்தில் பிறந்த நீங்கள் அனைத்து செயல்களும் முழுமையாக முடிக்கப்பட வேண்டும் என்ற எண்ணத்தை வலுவாக கொண்டவராய் இருப்பீர்கள். உங்களிடம் ஒப்படைக்கப்படும் எந்த காரியமும் முழுமையாக செய்துவிடுவீர்கள். உடல் ஆரோக்கியத்தை மிகவும் ஆர்வமாக பேணிக்காப்பீர்கள். எந்த சூழ்நிலையையும் சமாளிக்க்கூடிய மனநிலையை வளர்த்துவிரும்புவீர்கள். மற்றவர்களிடம் உண்மையான உழைப்பையும் நேர்மையான செயல்களையும் எதிர்பார்ப்பீர்கள். உங்களது நேர்மையான செயல்பாடுகளால் மற்றவர்களிடம் உங்களுக்கான மதிப்பை அதிகரித்து கொள்வீர்கள். மிகுந்த சுற்றத்தாரை உடையவர், கோள் சொல்லும் குணம் உடையவர், நீதிமான் பிறருக்கு உதவி செய்பவர், வித்தையில் விருப்பம் உடையவர், தாம்பூலப் பிரியர், நாடுகள் சுற்றுபவர், பரந்த காதும், பரந்த மார்பும் உடையவர், புத்திமான், பெண்களுக்கு இனியன், பொய்யன், பிறர் தொழிலை விரும்பி செய்பவர், நல்லவருக்கு நல்லவர். வழக்கை தொடுப்பதில் பலவான்.

1. உத்திரட்டாதி முதல் பாதத்தில் பிறந்தவர் கோபி, சஞ்சலமானவர், தருமவான், மயிர் நிறைந்த உடல் உடையவர், சிரேஷ்டன்.

2. உத்திரட்டாதி இரண்டாம் பாததில் பிறந்தவர் ரோஷம் உடையவர், சாது, தரித்திர்ர், நல்ல குணவான், நல்ல நடை உடையவர், அறிவுள்ளவர்.

3. உத்திரட்டாதி மூன்றாம் பாதத்தில் பிறந்தவர் பலமுள்ளவர், துன்மார்க்கர், கடவுள் பக்தி நிறைந்தவர், முன்கோபம் உடையவர், எல்லா நேரத்திலும் இன்பத்தோடு இருப்பவர், கலகம் மூட்டுவர்.

4. உத்திரட்டாதி நான்காம் பாதத்தில் பிறந்தவர் புலவர், சொல்லில் வாட்டம் உடையவர், பேதி உடையவர், குடும்பி, கோபி, கிலேசம் உள்ளவர்.


ரேவதி

ரேவதி நட்சத்திரத்தில் பிறந்தவர்கள் ஆள்பாதி ஆடைபாதி என்பதற்கு முழுஉதாரணமாய் உங்களது உடைகளையும் ஆபரணங்களையும் பேணிக் காப்பீர்கள். மற்றவர்களை கவரும் விதமாய் உங்களது செயல்பாடுகள் அமைத்துக் கொள்வீர்கள்ள. மனதிற்கு பிடித்தமான உணவு வகைகளை ருசித்து சாப்பிடுவீர்கள். மற்றவர்களால் புகழப்படும் காரியங்களை செய்வதில் அதிக ஆர்வம் கொண்டிருப்பீர்கள். பிராயணம் செய்வதிலும் அதிக நாட்டம் உடையவராய் இருப்பீர்கள். வருங்காலத்திற்கான சேமிப்பை மேற்கொள்வதில் அனைத்து வழிகளையும் பின்பற்றுவீர்கள். பெண்களிடம் பிரியம் உடையவர், பாதி நாள் மிகுந்த செல்வத்துடன் இருப்பார், நல்லவன், பிறர்சொல்கேட்பவர். நல்ல குணவான், அழகான கண்களை உடையவர், வாய் சாதுரியர், பிராமணர்களை வணங்கும் பக்தியுள்ளவர், புத்திமான், இரப்போருக்கு இல்லையென்று கூறாதவர், பழி பாவத்திற்கு அஞ்ச மாட்டான்.

1. ரேவதி முதல் பாதத்தில் பிறந்தவர் கலகப்பிரியன், நிபுணன், வித்துவான், கிலேசன், சந்தோஷி.

2. ரேவதி இரண்டாம் பாதத்தில் பிறந்தவர் திருடன், தீரன், சௌக்கியவான், கோபி, கருமி, சஞ்சலம் உடையவன், மெலிந்த சரீரம் உடையவன்.

3. ரேவதி மூன்றாம் பாதத்தில் பிறந்தவர் புத்தியற்றவன், பாபி, வஞ்சக குணம் உள்ளவன், தரித்திறன், நல்ல குணம் இல்லாதவர்.

4. ரேவதி நான்காம் பாதத்தில் பிறந்தவர் தீரன், சத்தியம் பேசுபவர், இழிந்த குலத்தவர், சுகவான், பகைவரை வெல்பவர்.

Scroll to top
error: Content is protected !!